注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

下明六队新家园

此图由梁显能兄摄于下明六队村边

 
 
 

日志

 
 
关于我

下明六队新家园博客是为所有在原海丰农场下明六队生活、工作过的战友而打造的博客园地。宗旨是:回忆的园地、交流的平台、沟通的渠道、互助的桥梁,心灵的驿站,是一个原下明六队战友的精神新家园。 所有在下明六队生活、工作过的战友都是这个家园的成员,是五卯酉边上下明六队另一种形式重建和发展,也是下明六队战友情谊的延伸。因此,我们把她定名为“下明六队新家园”。

网易考拉推荐

上海闲话(十三)作者 乐乐  

2011-10-07 20:24:29|  分类: 乐乐专辑 |  标签: |举报 |字号 订阅

  下载LOFTER 我的照片书  |

上海闲话(十四)作者 乐乐 - lljieyuhua - 解语花

  都市里搿村庄系列(二)

  今年8月份搿辰光气温老高搿,隔壁邻居约我一道到浙江长兴去体验“农家乐”。伊拉讲仔交关“农家乐”搿好处,伊拉生怕我勿去,所以,几次三番来动员我,其实,我老早就心动勒。我觉着田园、山村对我来讲是记忆当中搿美好回忆,大热天到山里去避避暑有啥勿好啦?乃么我上网浪去看嘞,看下来再晓得,真正有广告意识搿农家还是勿多,只有少数几家农家拿自家搿旅店名号挂在网上,起到勒广告宣传效果。今朝,我首推搿是其中搿【项羽泉】旅店。既然网上查得到,索性环绕一圈,作勒活动前搿一番了解,【项羽泉】只是几百户"农家乐”之一,伊拉搿介绍基本浪我清爽勒。勿过,我迭趟搿活动全部是听邻居安排,只晓得有人勒长兴搿“农家乐”等阿拉9个人过去,房间是2个人一间、3个人一间(以家庭为单元),其他情况邻居一概不得而知。我想,既然搿面有人接待,安排定当,其他情况到了以后再讲伐。

上海闲话(十四)作者 乐乐 - lljieyuhua - 解语花

第二天一早浪,一共9个人,勒拉我邻居老夫妻俩搿带领下,勒人民广场上车,三个多钟头以后,就到达了【霸王潭风景旅游区】。旅游车搿服务老周到搿,驾驶员一家一家送到点(一辆大巴士坐满有四十多人,游客恰恰是各家各户搿,一个点就是一家接待户,驾驶员就是上下家搿联络员,迭搿工作做得老密缝搿)当阿拉9个人到点勒,我走下车子,让我有个惊讶搿是,抬头就见【项羽泉】,咦,我觉着太巧勒...勒拉出门之前上网查搿是【项羽泉】网页,到了目的地,落脚点就是【项羽泉】旅店?侬晓得伐,勒【霸王谭风景旅游区】方圆几十里家家才是接待游客搿旅店,外加勒我毫勿知情搿前提下老天安排我勒【项羽泉】落脚,真有点“出乎我意料之外,又勒我情理之中”,可能是天意喔...

吃过中饭热中心觉着气温高,大家回房间休息勒。迭搿辰光我静下心来开始观察周边环境。我发现,【霸王潭风景旅游区】地处三面环山,山上到处是郁郁葱葱搿竹林,车道两边是竹林环抱民居,民居不是二层就是三层楼,家家有五、六百平米勿稀奇,全部处在群山之中。上海闲话(十四)作者 乐乐 - lljieyuhua - 解语花

当天傍晚六点钟,阿拉大家9个人吃过夜饭,人手一把扇子,踢踢踏踏稀里哗啦朝风景区搿第一景点【霸王潭】水库走去,一路浪看到交关去休闲搿人群像阿拉一样,朝同一个方向走过去...山区搿傍晚,蛙鸣蝉唱、微风习习,味道老灵搿。当地村民老好客搿,看到城里人,勿是笑嘻嘻就是主动打招呼“侬好”,让侬马上觉着老温馨搿,赛过到勒乡下外婆家,亲切哦。

大约走了刻把钟到了【霸王潭】水库,一看人交关,水库里有人勒拉游泳,水质邪气清澈,老有诱惑力搿,岸边浪有交关人(是游泳者搿朋友们)可能是勒保驾护航;库坝浪搿人更加多,我一路慢慢点荡过去,听到交关常州闲话、无锡闲话,讲上海闲话搿勿过三分之一,开始搿辰光我始终有点摸不着头沓,后来几天里,我晓得为啥勒...

 

                                          2011年10月7日

上海闲话(十四)作者 乐乐 - lljieyuhua - 解语花

 

  评论这张
 
阅读(187)| 评论(6)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017